曼联借恩哈路前(恩哈路告别曼联　拟去美职跟碧咸搵食)

曼联季前续借向上海申花续借前锋恩哈路，呢位尼日利亚射手嘅借用期去到今个月底完结，喺乌拉圭前锋卡云尼加盟后，恩哈路今季上阵机会极少，至今只有4次上阵，当中英超只曾亮相过1场，「红魔鬼」几乎可以肯定唔会再延长借用，意味恩哈路好快就会正式告别曼联。

31岁嘅恩哈路表示坦言最希望继续留喺曼联，但延长外借机会渺茫，佢亦冇打算返中超发展，强烈暗示会去美职搵食，而且仲可能係碧咸做班主嘅国际迈亚密：「美职愈嚟愈兴旺，我谂我会享受喺美国踢波，希古恩、杜斯山度士都去美国踢波，我点解唔可以？碧咸间球会发展得好快，如果有机会出现我都想尝试。」

恩哈路经理人亦向《BBC》表示，佢哋依家有多份合约可以选择：「美职只係其中一个好有诚意嘅地方，我哋仲有嚟自英超、其他欧洲球会以及中东球会斟介，仍然有好多可能性。」恩哈路自上年1月加盟曼联后，一共为曼联上阵23场攻入5球。