十大足球直播推荐艺人黎诺懿与太太李洁莹（Nicole）趁着暑假，为两岁多的囝囝黎峰睿（小春鸡）安排了不少节目。黎诺懿找来名师Ricky教琴，Ricky耐心教导，小春鸡却耐性不足，要爸爸出动车仔及贴纸引导他坐定定，之后又要妈咪陪住一齐弹琴，首堂课已叫父母出尽法宝。
放电换私人时间
为了凼小春鸡开心，下课后，黎诺懿一家三口去亲子餐厅玩波波池、煮饭仔及玩水等，玩到不愿离开。黎诺懿指囝囝虽然年纪细，但已懂得表达自己：“佢好有主见，唔可以你安排咩就跟足。小朋友真系有无限精力，所以一得闲就带佢周围放电，日头放晒啲电，夜晚瞓得好舒服，咁我就有私人时间。”
谈到育儿，黎诺懿主张读万卷书不如行万里路，亦奉行身教：“我成日喺屋企煮嘢食，佢见得多，都锺意玩煮饭仔，第日就算佢唔读书，我都冇所谓。反而我觉得语言好重要，想佢可以讲到四种流利语言，广东话、英文、普通话再加一种语言，识讲、识沟通，个人就有自信。我哋以前读书好多嘢要背，但其实冇用武之地，依家用手机上网就搵到，所以我宁愿佢喺创作思维上发展多过传统学问。（系咪自己啲普通话唔得，更明白语言重要？）系更明白我究竟细个做过啲咩嘢，其实我英文、普通话听完全冇问题，但真系讲唔到，我做反面教材话佢知语言好重要。”
教追女仔必杀技
黎诺懿不强迫小春鸡学习，唯一想囝囝学弹琴，他说：“学琴据知系左、右脑同一时间运作，可以令他专注度高啲。同埋男仔识弹琴好有型，其实追女仔唔使伎俩，只要唔样衰，当个男仔坐喺度自弹自唱，自然吸引到女仔。”
场地：大树先生之家
